Bir müddət öncə Azərbaycan Şəhər Bələdiyyələrinin Milli Assosiasiyasının və Nərimanov bələdiyyəsinin sədri Təmraz Tağıyev Azərbaycan Məhkəmə-Hüquq Şurasının və Ali Məhkəməsinin sədri İnam Kərimova müraciət ünvanlamışdı.
Müraciətin əsas məzmunu bələdiyyənin inzibati binasıyla bağlı həm tikinti şirkətinin, həm də bir sıra mərkəzi icra orqanların dəstəyi ilə bələdiyyənin iyirmi il ərzində fəaliyyət göstərdiyi binanın özəlləşdirilməsində iştirak edən insanların bu orqana qarşı tutduğu qeyri-qanuni mövqeyi ilə əlaqədar məhkləmə instansiyasının qəbul etdiyi qərarla bağlı idi.
Bəs bu gün vəziyyət nə yerdədir.
Bununla bağlı Belediyye.infoya açıqlama verən Təmraz Tağıyev bildirib ki, hörmətli İnam Kərimovun təyinatında sonra hər bir müraciətə diqqətlə yanaşıldığını görmək olar. Ali Məhkəmənin sədrinin gəlişiylə bu struktura yeni nəfəs gəldiyini etiraf etməliyəm. Bizim müraciətə də diqqət göstərilib. Müraciətimiz baxılması üçün dərhal Nərimanov məhkəməsinə göndərilib. İnanıram ki, Nərimanov Bələdiyyəsinin haqlı tələbinə ədalətli qərar veriləcəkdir.
Geriyə
İrəli